Home » നമ്മുടെ കോഴിക്കോട് » കോഴിക്കോട് പൾസ് » നിറമുള്ള ഓർമകളെ വരകളാക്കി ‘കോഴിക്കോടൻ ഡയറീസ്’

നിറമുള്ള ഓർമകളെ വരകളാക്കി ‘കോഴിക്കോടൻ ഡയറീസ്’

മുട്ടായി തെരുവിനെയും മാനാഞ്ചിറയെയും കോഴിക്കോടിന്റെ പ്രിയപ്പെട്ട മിൽക്ക് സർബത്തിനെയും നിറമുള്ള വരകളിലൂടയാണ് നിപിൻ നാരായണൻ കോഴിക്കോടൻ ഡയറീസ് എന്ന പേരിൽ ഫേസ്ബുക്കിൽ പോസ്റ്റ് ചെയ്തത്. പ്രിയപ്പെട്ട നഗരത്തിന്റെ വരകൾ ഷെയർ ചെയ്തതാവട്ടെ ആയിരത്തി അറുനൂറോളം പേർ.. ഒരൊറ്റത്തവണയെങ്കിലും നടന്നവർ ഭാഗ്യവാന്മാർ എന്ന തലക്കെട്ടോടെയാണ് നിപിൻ ചിത്രങ്ങൾ പോസ്റ്റ് ചെയ്തത്
സമകാലീന വിഷയങ്ങളെ തന്റേതായ രീതിയില്‍ മറ്റുള്ളവര്‍ക്ക് മുന്നില്‍ അവതരിപ്പിക്കുന്ന നിപിന്റെ വരകള്‍ ഇതിനകം സോഷ്യല്‍ മീഡിയയില്‍ നിറഞ്ഞു കഴിഞ്ഞിരിക്കുന്നു.പെരുമ്പാവൂരിലെ ജിഷ വധക്കേസുണ്ടായ സമയത്ത് സോഷ്യല്‍ മീഡിയയിലൂടെ പ്രചരിച്ച ‘പെരുമ്പാവൂരിൽ നിന്ന് നമ്മളുടെ വീട്ടിലേക്ക് അധികം ദൂരമില്ലെന്നാണ് പറഞ്ഞുകേള്‍ക്കുന്നത്’ എന്ന നിപിന്‍ നാരായണന്റെ കലാസൃഷ്ടി കേരളം ഒന്നടങ്കം ചര്‍ച്ച ചെയ്തിരുന്നു. കണ്ണൂര്‍ സ്വദേശിയായ നിപിന്‍ നാരായണന്‍ ഇത്തരത്തിലുള്ള ഇല്ലസ്‌ട്രേറ്റഡ് സീരീസുകള്‍ ചേര്‍ത്ത് ‘നൊസ്റ്റാള്‍ജിയത്തിന്റെ പുസ്തകം’ എന്ന പേരിൽ ഒരു പുസ്തകവും പുറത്തിറക്കിയിട്ടുണ്ട്

ഒരൊറ്റത്തവണയെങ്കിലും നടന്നവർ ഭാഗ്യവാന്മാർ!
അവർ, ആ ദിവസത്തിന്റെ ആവർത്തനപ്പട്ടിക ആഗ്രഹിക്കുന്നവർ!
കൊതിച്ചുകൊതിച്ചു കിട്ടുന്ന അതിശയദിവസങ്ങളുടെ പട്ടികയിലാദ്യത്തേത്. ♥

Leave a Reply