Home » നമ്മുടെ കോഴിക്കോട് » സംസ്ഥാനത്ത് ട്രോളിങ് നിരോധനം തുടങ്ങി

സംസ്ഥാനത്ത് ട്രോളിങ് നിരോധനം തുടങ്ങി

സംസ്ഥാനത്ത് ഇന്നലെ അര്‍ധരാത്രി മുതൽ ട്രോളിങ് നിരോധനം നിലവിൽ വന്നു. മത്സ്യങ്ങളുടെ പ്രജനനകാലം കണക്കിലെടുത്ത് 52 ദിവസത്തേക്കാണ് നിരോധനം. ജൂലൈ 31 ന് ട്രോളിങ് നിരോധനം അവസാനിക്കും.

പരമ്പരാഗത വള്ളങ്ങളിൽ മത്സ്യബന്ധനം നടത്തുന്നവര്‍ക്ക് നിരോധനം ഇല്ല. മൺസൂൺ കാലത്ത് വള്ളങ്ങളിൽ മത്സ്യബന്ധനത്തിന് പോകുന്ന തൊഴിലാളികള്‍ ബയോമെട്രിക് തിരിച്ചറിയിൽ കാര്‍ഡ് നിര്‍ബന്ധമായും കരുതണമെന്ന് ഫിഷറീസ് വകുപ്പ് അറിയിച്ചു. നാലായിരത്തോളം ട്രോൾ ബോട്ടുകൾക്കും വിദൂര മേഖലകളിലേക്കു മീൻ പിടിക്കാൻ പോകുന്ന ഗിൽനെറ്റ്, ചൂണ്ട, പഴ്സീൻ ബോട്ടുകൾക്കും നിരോധനം ബാധകമാണ്.

നിരോധനകാലത്ത് കരയിൽ നിന്ന് 12 നോട്ടിക്കൽ മൈൽ വരെയുള്ള മേഖലയിൽ ട്രോളിങ് നടത്തുന്നവര്‍ക്കെതിരെ കര്‍ശന നടപടി ഉണ്ടാകും. ഈ കാലത്ത് കൂടുതൽ സഹായം വേണമെന്ന് മത്സ്യതൊഴിലാളികള്‍ ആവശ്യപ്പെടുന്നുണ്ട്.

Leave a Reply