Calicut Journal The heartbeat of malabar
ഖത്തറിൽ വാഹനാപകടത്തിൽ കോഴിക്കോട് സ്വദേശികളായ രണ്ട് മലയാളി സഹോദരങ്ങൾ മരിച്ചു. കോഴിക്കോട് നടുവട്ടം ബര്‍സാന്‍ റിയല്‍ എസ്‌റ്റേറ്റ് ഉടമയായ സക്കീര്‍ മാളിയേക്കലിൻെറ മക്കളായ നജ്മല്‍ റിസ് വാന്‍ (20), മുഹമ്മദ് ജുനൈദ് നിബ്‌റാസ് (22) എന്നിവരാണ് മരിച്ചത്. പുലര്‍ച്ചെ ദോഹയിലെ ഐന്‍ ഖാലിദില്‍ വെച്ച് ഇവര്‍ സഞ്ചരിച്ചിരുന്ന ലാൻറ് ക്രൂയിസര്‍ കാർ നിയന്ത്രണം വിട്ട് മറിയുകയായിരുന്നു. ഹമദ് ആശുപത്രി മോര്‍ച്ചറിയില്‍ സൂക്ഷിച്ചിരിക്കുന്ന മൃതദേഹങ്ങള്‍ നടപടി ക്രമങ്ങള്‍ക്ക് ശേഷം ഇന്ന് രാത്രി തന്നെ നാട്ടിൽ എത്തിച്ചേക്കും. മയ്യിത്ത് നമസ്‌കാരം വ്യാഴാഴ്ച രാവിലെ മാത്തോട്ടം ജുമാ മസ്ജിദില്‍ നടക്കും എന്ന് ബന്ധുക്കള്‍ അറിയിച്ചു.
