Home » നമ്മുടെ കോഴിക്കോട് » സിപിഐഎം റാലിക്കിടെ മാധ്യമ പ്രവര്‍ത്തകരെ മര്‍ദ്ധിച്ച സംഭവം: ക്ഷമാപണവുമായി ജില്ലാ സെക്രട്ടറിയുടെ ഫേസ്ബുക്ക് പോസ്റ്റ്

സിപിഐഎം റാലിക്കിടെ മാധ്യമ പ്രവര്‍ത്തകരെ മര്‍ദ്ധിച്ച സംഭവം: ക്ഷമാപണവുമായി ജില്ലാ സെക്രട്ടറിയുടെ ഫേസ്ബുക്ക് പോസ്റ്റ്

കോഴിക്കോട് മുതലക്കുളം മൈതാനിയില്‍ സിപിഐഎം റാലിയ്ക്കിടെ റിപ്പോര്‍ട്ടിംഗിനായെത്തിയ ഏഷ്യാനെറ്റ് മാധ്യമപ്രവര്‍ത്തകരെ മര്‍ദ്ദിച്ച സംഭവത്തില്‍ ക്ഷമാപണവുമായി ജില്ലാ സെക്രട്ടറിയുടെ ഫേസ്ബുക്ക് പോസ്റ്റ്. ഇന്നലെയാണ് റാലിയ്ക്കിടെ റിപ്പോര്‍ട്ടിംഗിനായെത്തിയ മാധ്യമ പ്രവര്‍ത്തകരായ അനുമോദിനെയും അരവിന്ദിനെയും പ്രവര്‍ത്തകര്‍ മര്‍ദ്ദിച്ചത്. പാര്‍ട്ടി പ്രവര്‍ത്തകരുടെ ഈ പെരുമാറ്റത്തില്‍ നിര്‍വ്യാജം ഖേദിക്കുന്നതായാണ് ജില്ലാ സെക്രട്ടറി പി. മോഹനനന്‍ മാസ്റ്റര്‍ പോസ്റ്റ് ചെയ്തിരിക്കുന്നത്.

പോസ്റ്റിന്റെ പൂര്‍ണരൂപം:
ഇന്നലെ കോഴിക്കോട് മുതലക്കുളം മൈതാനിയില്‍ സി പി ഐ (എം) റാലി നടക്കുന്നതിനിടയില്‍ ഏഷ്യനെറ്റിന്റെ ഫോട്ടോഗ്രാഫര്‍ക്കും റിപ്പോര്‍ട്ടര്‍ക്കും മര്‍ദ്ദനമേല്‍ക്കാന്‍ ഇടയായ സംഭവത്തില്‍ നിര്‍വ്യാജം ഖേദം പ്രകടിപ്പിക്കുന്നു.ആശുപത്രിയില്‍ മാധ്യമപ്രവര്‍ത്തകരായ അനുമോദ്, അരവിന്ദ് എന്നിവരെ സന്ദര്‍ശിച്ച് ഇക്കാര്യം അവരെ അറിയിക്കുകയും ചെയ്തിട്ടുണ്ട്. ഈ സംഭവം ഒരു തരത്തിലും അംഗീകരിക്കാനാവുന്നതല്ല. മാധ്യമ പ്രവര്‍ത്തകരുടെ സ്വാതന്ത്രത്തേയും, അവകാശത്തേയും എപ്പോഴും വലിയ അളവില്‍ മാനിക്കുകയും അംഗീകരിക്കുകയും ചെയ്യുന്ന പാര്‍ട്ടിയാണ് സി.പി.ഐ.(എം). ഏതെങ്കിലും വിധത്തില്‍ ഉത്തരവാദപ്പെട്ട പാര്‍ടി പ്രവര്‍ത്തകര്‍ ആരെങ്കിലും ഈ സംഭവവുമായി ബന്ധപ്പെട്ടിട്ടുണ്ടോ എന്ന് പാര്‍ട്ടി പരിശോധിക്കും. പാര്‍ടി പ്രവര്‍ത്തകര്‍ ആരെങ്കിലും ഇതുമായി ബന്ധമുണ്ടെങ്കില്‍ കര്‍ശന നടപടി സ്വീകരിക്കുക തന്നെ ചെയ്യും. സി.പി.ഐ.(എം)ന്റെ ഇക്കാര്യത്തിലുള്ള തുറന്ന നിലപാടും, സമീപനവും പൊതു സമൂഹവും, പാര്‍ടി പ്രവര്‍ത്തകരും മനസിലാക്കണമ്മെന്ന് അഭ്യര്‍ത്ഥിക്കുന്നു..

Leave a Reply