Home » ഇലക്ഷന്‍ » നിലവിലെ ഗവണ്‍മെന്‍റിന്‍റെ പ്രവര്‍ത്തനങ്ങള്‍ ജനാധിപത്യ മാന്യതകള്‍ക്ക് നിരക്കാത്തത്-പോള്‍ കല്ലനോട്

നിലവിലെ ഗവണ്‍മെന്‍റിന്‍റെ പ്രവര്‍ത്തനങ്ങള്‍ ജനാധിപത്യ മാന്യതകള്‍ക്ക് നിരക്കാത്തത്-പോള്‍ കല്ലനോട്

നിലവിലെ ഗവണ്‍മെന്‍റിന്‍റെ പ്രവര്‍ത്തനങ്ങള്‍ ജനാധിപത്യ മാന്യതകള്‍ക്ക് നിരക്കാത്തതും നിലപാടുകള്‍ക്ക് നിരക്കാത്തതുമാണ്. അഴിമതി സംബന്ധമായതും ഇമേജുകള്‍ നഷ്ടപ്പെട്ടതുമായ ഗവണ്‍മെന്‍റായാണ് വിലയിരുത്തുന്നത്. അതിന്‍റെ തുടര്‍ച്ചയുണ്ടാവുക എന്നത് ജനാധിപത്യ ബോധമുള്ള പൗരന്‍മാരില്‍ നിന്നും ഉണ്ടാവുമെന്ന് പ്രതീക്ഷിക്കുന്നില്ല. കാരണം മൊത്തം ഗവണ്‍മെന്‍റിനെ അരാജകമാക്കി തീര്‍ക്കുകയും, ഇങ്ങനെയൊക്കയാണ് ഭരണമെന്നും ജനങ്ങളില്‍ ബോധമുണ്ടാക്കും വിധത്തില്‍ ഈ ഗവണ്‍മെന്‍റ് പ്രവര്‍ത്തിച്ചത്. അതുകൊണ്ട് ഒരു തുടര്‍ച്ച എന്നത് ശാശ്വതമല്ല. ഇനി പുതിയൊരു ഭരണം വരികയാണെങ്കില്‍ അത് തീര്‍ച്ചയായും ഇടതുപക്ഷമാവും പക്ഷേ എങ്കില്‍ പോലും ഇടതുപക്ഷം ജനപക്ഷ നിലപാടുകള്‍ സ്വീകരിക്കുകയും, വിഭാഗീയത ഇല്ലാത്ത നിലപാടുകളും തിരിച്ചുപിടിച്ചില്ലെങ്കില്‍ പുതിയ ഭരണത്തില്‍ പ്രതീക്ഷവെക്കുന്നത് അസ്ഥാനത്താവുകയും ചെയ്യും. അതുകൊണ്ട് ഇടതുപക്ഷം അങ്ങനെ പ്രവര്‍ത്തിക്കും എന്ന പ്രതീക്ഷ മാത്രമാണ് ഇപ്പോള്‍ സാധ്യമാവുന്നത്. ഇന്നത്തെ രാഷ്ട്രീയ സാഹചര്യങ്ങള്‍ മനസ്സിലാക്കി ജനങ്ങള്‍ അവനവന്‍റെ വോട്ടവകാശം വളരെ കൃത്യമായി വിനിയോഗിക്കും. ഏതാണ്ട് ഇപ്പോള്‍ തന്നെ ജനങ്ങള്‍ മാനസികമായി തെരഞ്ഞെടുപ്പ് കഴിഞ്ഞിട്ടുണ്ടാവാനാണ് സാധ്യത. അത് വോട്ടായി പ്രതിഫലിച്ച് ഫലമായി പുറത്ത് വന്ന് പുതിയ ഗവണ്‍മെന്‍റായി രൂപപ്പെടുകയും ആ ഗവണ്‍മെന്‍റ് ജനങ്ങള്‍ക്ക് വേണ്ടി ജനപക്ഷ നിലപാടുകള്‍ സ്വീകരിക്കുകയും വിഭാഗീയത ഇല്ലാതെ പ്രവര്‍ത്തിക്കണമെന്നുമാണ് എന്‍റെ പ്രതീക്ഷയും സ്വപ്നവും.

Leave a Reply