Home » ഇലക്ഷന്‍ » മുഹമ്മദ് റിയാസിനെ പാക്കിസ്ഥാനിലേക്ക് അയക്കാമെന്ന പൂതി വേണ്ടെന്ന് വിഎസ്: കേരളത്തിൽ യുഡിഎഫ് ബിജെപി അവിശുദ്ധ ബന്ധം

മുഹമ്മദ് റിയാസിനെ പാക്കിസ്ഥാനിലേക്ക് അയക്കാമെന്ന പൂതി വേണ്ടെന്ന് വിഎസ്: കേരളത്തിൽ യുഡിഎഫ് ബിജെപി അവിശുദ്ധ ബന്ധം

മുഹമ്മദ് റിയാസിനെ പോലുള്ളവരെ പാക്കിസ്ഥാനിലേക്ക് അയക്കാമെന്ന പൂതി ആർഎസ്എസ് മനസ്സിൽ വെച്ചാൽ മതിയെന്ന് വിഎസ് കോഴിക്കോട് പറഞ്ഞു. പാക്കിസ്ഥാനിലേക്ക് അയക്കാൻ നിൽക്കുന്നവരെ ജനങ്ങളെങ്ങോട്ടാണ് അയക്കുന്നതെന്ന് കാത്തിരുന്നു കാണാം. സ്വാതന്ത്ര്യ സമരത്തിലുൾപ്പെടെ നാടിന്റെ ചരിത്രത്തിൽ ഒരു പങ്കുമില്ലാത്ത ആർഎസ്എസും ബിജെപിയും നടത്തുന്ന വർഗ്ഗീയ പ്രചരണങ്ങളെ എൽഡിഎഫ് തടഞ്ഞുനിർത്തുമെന്നും വിഎസ് പറഞ്ഞു.

തൊട്ടതിനൊക്കെ തുട്ട് കിട്ടണമെന്ന ഉമ്മൻചാണ്ടി ഭരണമാണ് കഴിഞ്ഞു പോയത്. ഉമ്മൻചാണ്ടി താൻ ആരോപണങ്ങളുന്നയിക്കുന്നു എന്നാണ് പറയുന്നത്. ആരോപണങ്ങളല്ല, മന്ത്രിമാർക്കെതിരെയുള്ള വസ്തുതകളുള്ള 316 കേസുകളെക്കുറിച്ചാണ് താൻ പറയുന്നതെന്നും വിഎസ് വ്യക്തമാക്കി.

ബിജെപി യുഡിഎഫ് അവിശുദ്ധ ബന്ധമുണ്ടാക്കിയതിന് തെളിവാണ് തൊഗാഡിയ മുതലക്കുളത്ത് പ്രസംഗിച്ച കേസ് ഉമ്മൻചാണ്ടി പിൻവലിച്ചത്. എൽഡിഎഫ് അധികാരത്തിൽ വന്നാൽ മന്ത്രിമാർക്കെതിരെയുള്ള കേസുകളിൽ വിചാരണ നടത്തി ശിക്ഷ വാങ്ങി കൊടുക്കുമെന്നും വിഎസ് കൂട്ടിച്ചേർത്തു.

Leave a Reply