Home » നമ്മുടെ കോഴിക്കോട് » ഖസാക്കിന്റെ ഇതിഹാസത്തോട് വിടപറയാനാവാതെ കോഴിക്കോട്

ഖസാക്കിന്റെ ഇതിഹാസത്തോട് വിടപറയാനാവാതെ കോഴിക്കോട്

തൃക്കരിപ്പൂര്‍ കെഎംകെ കലാസമിതി അവതരിപ്പിക്കുന്ന ഖസാക്കിന്റെ ഇതിഹാസത്തിന്റെ നാടകാവിഷ്‌കാരം ഇങ്ങ് കോഴിക്കോടെത്തിയപ്പോള്‍ ഇരുകൈയ്യും നീട്ടി കോഴിക്കോട്ടുകാര്‍ ഖസാക്കിനെ സ്വീകരിച്ചു. റാസ്‌ബെറി പബ്ലിക്കേഷനും മെഡിക്കല്‍ കോളേജ് യൂണിയനും ചേര്‍ന്ന് നടത്തുന്ന നാടകപ്രദര്‍ശനത്തിന്റെ അവസാന ദിവസം അവസാനിക്കാനിരിക്കെ പ്രേക്ഷകരുടെ വലിയ തിരക്കാണ് നാടകപ്രദര്‍ശനത്തെ ഒരു ദിവസം കൂടി നീട്ടാന്‍ കാരണമായത്. മൂന്ന് ദിവസങ്ങളിലായി നടക്കുന്ന പ്രദര്‍ശനത്തില്‍ ഒരു ദിവസം എണ്ണൂറോളം ആളുകളെയാണ് ഗാലറിയില്‍ ഉള്‍ക്കൊള്ളിക്കാനാവുക. വിവിധ ജില്ലകളില്‍ നിന്നും നാടകം കാണാനായെത്തിയ കലാസ്വാദകര്‍ മടങ്ങി പോകുന്ന അവസ്ഥയുണ്ടായ സാഹചര്യത്തിലാണ്് പ്രദര്‍ശനം ഒരു ദിവസത്തേക്കു കൂടി നീട്ടുന്നതിനായി സംഘാടകര്‍ തീരുമാനിച്ചത്.

 

Leave a Reply