Home » ലൈഫ് സ്റ്റൈൽ » ടെക്നോളജി » വിദേശനിര്‍മ്മിത സ്മാര്‍ട്ട്‌ഫോണുകള്‍ക്ക് വിശ്വാസ്യത കുറവെന്ന്ഇന്റലിജന്‍സ് ബ്യൂറോ

വിദേശനിര്‍മ്മിത സ്മാര്‍ട്ട്‌ഫോണുകള്‍ക്ക് വിശ്വാസ്യത കുറവെന്ന്ഇന്റലിജന്‍സ് ബ്യൂറോ

വിദേശത്ത് നിര്‍മ്മിച്ച സ്മാര്‍ട്ട്‍ഫോണുകള്‍ക്ക് വിശ്വാസ്യത കുറവാണെന്ന് ഇന്‍റലിജന്‍സ് ബ്യൂറോ റിപ്പോര്‍ട്ട്. ആഭ്യന്തര മന്ത്രാലയത്തിനും പട്ടാളത്തിനും ഐബി മുന്നറിയിപ്പ് നല്‍കിക്കഴിഞ്ഞു. സ്മാര്‍ട്ട് ഫോണ്‍ ഉപയോഗം വളരെ കുറയ്ക്കണമെന്നാണ് നിര്‍ദ്ദേശം.
മറ്റു രാജ്യങ്ങളില്‍ നിര്‍മ്മിച്ച സ്മാര്‍ട്ട്ഫോണുകളില്‍ വൈറസ് ആക്രമണങ്ങള്‍ കൂടുതല്‍ ഉണ്ടാകുന്നതായും അതു വഴി വിവരങ്ങള്‍ ചോര്‍ത്തുന്നതായും ശ്രദ്ധയില്‍പ്പെട്ടിട്ടുണ്ട്. അതിനാലാണ് മുന്‍കരുതല്‍ നിര്‍ദ്ദേശങ്ങള്‍ നല്‍കിയതെന്ന് ഐബി വ്യക്തമാക്കി. ഇന്ത്യയിലെ പല സ്മാര്‍ട്ട്‍ഫോണുകളും വൈഫൈ വഴി ഹാക്ക് ചെയ്യാന്‍ ശ്രമം നടന്നിട്ടുണ്ട്. അതിന്‍റെ ഉറവിടങ്ങള്‍ പലപ്പോഴും പാകിസ്ഥാനിലും ചൈനയിലുമാണ് എത്തുന്നതെന്നും ഐബി വെളിപ്പെടുത്തി.
പ്രധാനപ്പെട്ട മീറ്റിങ്ങുകള്‍ക്കും മറ്റും പോകുമ്പോള്‍ സ്മാര്‍ട്ട്‍ഫോണുകള്‍ കയ്യില്‍ കരുതാതിരിക്കുക, അവ ബ്ലൂടൂത്ത് വഴി ഔദ്യോഗിക ലാപ്‍ടോപ്പിലേയ്‍ക്കോ കമ്പ്യൂട്ടറിലേക്കോ ബന്ധിപ്പിക്കാതിരിക്കുക, ഔദ്യോഗികമായി സുരക്ഷിതം എന്നുറപ്പു വരുത്തിയ ആപ്ലിക്കേഷനുകള്‍ മാത്രം ഇൻസ്റ്റാള്‍ ചെയ്യുക തുടങ്ങി നിരവധി കരുതല്‍ നടപടികള്‍ കൈക്കൊള്ളാനാണ് നിര്‍ദ്ദേശിച്ചിരിക്കുന്നത്.
സ്മാര്‍ട്ട്‍ഫോൺ സെക്യൂരിറ്റി നോംസ് എന്ന പേരില്‍ ഒരു സര്‍ക്കുലര്‍ തന്നെ പ്രസിദ്ധീകരിച്ചതായും ഐബി വൃത്തങ്ങള്‍ അറിയിച്ചു. അതിപ്രധാനമായ വിവരങ്ങള്‍ക്കായി ഫോൺ ചെയ്യുമ്പോള്‍ ലാന്‍ഡ്‍ഫോൺ ഉപയോഗിക്കാനും നിര്‍ദ്ദേശമുണ്ട്.

Leave a Reply