Home » ഇൻ ഫോക്കസ് » മദ്യവര്‍ജ്ജനത്തിന് സര്‍ക്കാറും കുടുംബശ്രീയും ഒന്നിക്കുന്നു

മദ്യവര്‍ജ്ജനത്തിന് സര്‍ക്കാറും കുടുംബശ്രീയും ഒന്നിക്കുന്നു

സംസ്ഥാനത്ത് മദ്യത്തിന്റെ ഉപയോഗം കുറക്കാനായി സര്‍ക്കാറും കുടുംബശ്രീയും ഒന്നിക്കുന്നു. കഴിഞ്ഞ സര്‍ക്കാറിന്റെ കാലത്ത് ലഹരിവിരുദ്ധ പ്രവര്‍ത്തനങ്ങള്‍ക്ക് കുടുംബശ്രീയുമായി സഹകരിപ്പിക്കാന്‍ തീരുമാനമാനിച്ചെങ്കിലും നടപടികള്‍ പൂര്‍ത്തിയാക്കാനായില്ല. പുതിയ സര്‍ക്കാര്‍ പദ്ധതിയുമായി മുന്നോട്ട് പോകാനാണ് തീരുമാനം.

മദ്യത്തിനെതിരെ പ്രചരണം നടത്താന്‍ 65,000 കുടുംബശ്രീ അംഗങ്ങള്‍ക്ക് പരിശീലനം നല്‍കാന്‍ സര്‍ക്കാര്‍ തീരുമാനിച്ചു. ഒരു കുടുംബശ്രീ യൂണിറ്റിലെ മൂന്നു പേര്‍ക്കെങ്കിലും പരിശീലനം നല്‍കാനാണ് തീരുമാനം. തെരഞ്ഞെടുക്കപ്പെടുന്ന അംഗങ്ങള്‍ക്ക് മന:ശാസ്ത്ര മേഖലയിലെ വിദഗ്ദര്‍ ക്ലാസ് നല്‍കും. തദ്ദേശസ്വയംഭരണ വകുപ്പ്, പോലീസ് എന്നിവരുടെ സഹകരണത്തോടെയാണ് പദ്ധതി നടപ്പിലാക്കുന്നത്. മദ്യത്തിനെതിരെയുള്ള ബോധവത്കരണം എന്നതിനൊപ്പം അനധികൃത മദ്യകച്ചവടം, ലഹരി ഉപയോഗം എന്നിവ നിയന്ത്രിക്കുകയുമാണ് പദ്ധതിയിലൂടെ സര്‍ക്കാര്‍ ലക്ഷ്യമിടുന്നത്.

Leave a Reply