ദേശീയപതാകയെ അപമാനിച്ചെന്ന് പരാതി: മോദിക്കെതിരെ കേസ്‌

ദേശീയ പതാകയെ അപമാനിച്ചതിന് നരേന്ദ്ര മോദിക്കെതിരെ കേസ്. ബീഹാർ സ്വദേശിയായ പ്രകാശ് കുമാറാണ് പാട്‌നയിലെ ചീഫ് ജുഡീഷ്യല്‍ മജിസ്‌ട്രേറ്റ് കോടതിയില്‍ മോദിക്കെതിരെ കേസ് ഫയൽ ചെയ്തത്.

അന്താരാഷ്ട്ര  യോഗാദിനാചരണത്തിനിടെ ദേശീയ പതാക ഉപയോഗിച്ച് മുഖവും കൈയും തുടച്ചെന്നാണ്   പരാതിക്കാരൻറെ ആരോപണം.  മോദിയുടെ ഇൗ പ്രവർത്തിയിലൂടെ ദേശീയ പതാകയേയും രാജ്യത്തെ മുഴുവൻ ജനങ്ങളേയും അദ്ദേഹം അപമാനിച്ചെന്നും പരാതിക്കാരൻ പറയുന്നു.