Home » നമ്മുടെ കോഴിക്കോട് » മുഹമ്മദ് റഫിയുടെ പേരില്‍ കോഴിക്കോട് മ്യൂസിയമൊരുങ്ങുന്നു

മുഹമ്മദ് റഫിയുടെ പേരില്‍ കോഴിക്കോട് മ്യൂസിയമൊരുങ്ങുന്നു

മുഹമ്മദ് റഫിയുടെ പേരില്‍ കോഴിക്കോട് മ്യൂസിയമൊരുങ്ങുന്നു. കോഴിക്കോട് മുഹമ്മദ് റഫി ഫൗണ്ടേഷനാണ് അനശ്വര ഗായകന് സംഗീത സാന്ദ്രമായ മ്യൂസിയം പണിതീര്‍ക്കുന്നത്. ഇന്ത്യയില്‍ തന്നെ ഏറെ സ്ഥലത്തൊന്നും സ്ഥാപിക്കപ്പെട്ടിട്ടില്ലാത്ത റഫിമ്യൂസിയം അടുത്ത വര്‍ഷം ജൂലൈ 31 ഓടെ പണി പൂര്‍ത്തിയാക്കും.

മുഹമ്മദ് റഫിയുടെ സംഗീതത്തെ നെഞ്ചിലേറ്റി അതില്‍ ലയിച്ചിരിക്കുന്നവരുടെ നഗരമാണ് കോഴിക്കോട്. രണ്ട് തവണ റഫിയുടെ സംഗീത മാസ്മരികതയ്ക്ക് സാക്ഷ്യം വഹിച്ച മാനാഞ്ചിറയിലും കോഴിക്കോടിന്റെ സായാഹ്നങ്ങളിലും റഫിയുടെ ആരാധകരായി നിരവധി പേരുണ്ട്. റഫിയെ ഏറെ സ്നേഹിക്കുന്ന ഒരു കൂട്ടം സംഗീത പ്രേമികളാണ് മ്യൂസിയം പണിയുന്നത്. 1967ലും 73 ലുമായിരുന്നു മാനാഞ്ചിറയിലെത്തി റഫി കോഴിക്കോട്ടുകാരുടെ മനം കവര്‍ന്നത്. റഫിക്ക് സ്മാരകമായി മുഹമ്മദ് റാഫി റോഡ് നിര്‍മ്മിച്ച കോഴിക്കോട്ടുകാര്‍ വീണ്ടും അദ്ദേഹത്തിന് ആദരവ് നല്‍കാനുള്ള ഒരുക്കത്തിലാണ്.

Leave a Reply