Home » കലാസാഹിതി » എഴുത്തുമേശ

എഴുത്തുമേശ

സ്കൂള്‍ ക്ലാസുകളിലെ ഘടനാമാറ്റത്തിന് ഹൈക്കോടതി അംഗീകാരം

കേന്ദ്ര വിദ്യാഭ്യാസ അവകാശ നിയമം അനുസരിച്ച് കേരള വിദ്യാഭ്യാസ ഘടനയിലും മാറ്റം വരുത്തണം എന്നാവശ്യപ്പെട്ടുള്ള നാല്‍പ്പതോളം ഹർ‍ജികളില്‍ ഹൈക്കോടതിയുടെ അനുകൂല ഉത്തരവ്. എല്‍പി, യുപി ക്ലാസുകളിലെ ഘടനാമാറ്റം ഹൈക്കോടതി അംഗീകരിച്ചു. ജസ്റ്റിസ് ചിതംബരേഷ് അടക്കമുള്ള മൂന്നംഗ ബ‌ഞ്ചാണ് വിധി പുറപ്പെടുവിച്ചത്. കേരളത്തിലെ എൽപി, യുപി ക്ലാസ്സുകളുടെ ഘടനയില്‍ മാറ്റവും നവീകരണവും വേണമെന്നായിരുന്നു ഹ‍ർജിക്കാരുടെ വാദം. കേരള വിദ്യാഭ്യാസ ചട്ട പ്രകാരം ഒന്ന് മുതൽ നാലുവരെയുള്ള ക്ലാസ്സുകളാണ് എൽപി ക്ലാസ്സുകളായി പരിഗണിക്കുന്നത്. ഈ ഘടനയില്‍ മാറ്റം വരുത്തണമെന്നാണ് ഹൈക്കോടതി വിധി. ഇതോടെ കേരളത്തിലെ പ്രാഥമിക വിദ്യാഭ്യാസ ...

Read More »

‘തോറ്റ’ സാംസ്കാരിക ജീവിതങ്ങൾക്ക് ഒരാമുഖം: പാവനാടകക്കാരനായ സുഹൃത്തിനെക്കുറിച്ച് വി. മുസഫർ അഹമ്മദ്

അരീക്കോടിനടുത്ത് തച്ചണ്ണയിലെ പാവനാടക-നാടകകലാകാരനായിരുന്നു ഇ. സി. ദിലീപൻ. മൈത്ര ഗവ: യു പി സ്കൂളിൽ അധ്യാപകനായിരിക്കെ 2010ൽ അകാലത്തിൽ പിരിഞ്ഞു. ജീവിതത്തിന്റെ നാനാതുറകളിലുളള മനുഷ്യരുമായി സമാനസൗഹൃദബന്ധം പുലർത്തുകയും ലോക ക്ലാസിക്ക് സിനിമകളെ ദേശത്തിനു പരിചയപ്പെടുത്തുകയും ചെയ്തു ദിലീപൻ. കോഴിക്കോട് ഒഡേസ, അരീക്കോട് റീഡേഴ്സ് ഫോറം എന്നീ കൂട്ടായ്മകളിൽ പങ്കാളിയായിരുന്നു. തച്ചണ്ണയിലെ തെങ്ങിന്‍ തോപ്പില്‍ ചേർന്ന അനുസ്മരണസമ്മേളനത്തിൽ സഞ്ചാര സാഹിത്യകാരനും ദിലീപന്റെ ഉറ്റ മിത്രവുമായിരുന്ന വി. മുസഫർ അഹമ്മദ് ചെയ്‌ത പ്രഭാഷണം. “നമ്മുടെ ഗ്രാമങ്ങളില്‍ ഇങ്ങനെ ജീവിച്ച എത്രയോ മനുഷ്യരുണ്ട്. അവരുടെ കാലം കഴിയുമ്പോള്‍ നാം ...

Read More »

സൂഫീപഥങ്ങളില്‍: പരമമായ ഉണ്മയെക്കുറിച്ചുള്ള അറിവല്ലാതെ മറ്റൊന്നുമല്ല അള്ളാഹു

അള്ളാഹുവിനെ മനസ്സിലെ ഒരു പിതൃരൂപമായി അറിയുന്ന വിശ്വാസികളില്‍ ഭൂരിപക്ഷവും, പഞ്ചേന്ദ്രിയങ്ങള്‍കൊണ്ട് അറിയുന്നതിനപ്പുറത്തെ യാഥാര്‍ത്ഥ്യം എന്ന നിലയില്‍ അള്ളാഹു എന്ന പദത്തിന് കൂടുതല്‍ ഗഹനമായ അര്‍ത്ഥവും അസ്തിത്വവും ഉണ്ട് എന്ന് മനസ്സിലാക്കാറില്ല. മനസ്സില്‍ പൊന്തിവരുന്ന വിഗ്രഹരൂപത്തിന്‍റെ പേര് മാത്രമാണ് അവര്‍ക്ക് അള്ളാഹു.  എന്താണ് അതുകൊണ്ട് അര്‍ത്ഥമാക്കുന്നത് എന്നറിയുന്നവര്‍ പതിനായിരത്തിലൊന്ന്, അനുഭവിക്കുന്നവരോ ലക്ഷത്തില്‍ ഒരാളും എന്ന് കബീര്‍. സൂഫീജ്ഞാനരഹസ്യങ്ങള്‍ തേടി പി പി ഷാനവാസ്. ‘സൂഫീപഥങ്ങളിൽ’ ആറാംഭാഗം.   ഹൈദരാബാദിലെ നൂരിഷാ ത്വരീഖത്തിന്‍റെ ആസ്ഥാനത്ത് നാല്‍പതു ദിവസത്തെ ചില്ലയിരുന്നാണ് ഷിര്‍ക്കിന്റെയും ബഹുദൈവാരാധനയുടെയും രഹസ്യത്തെക്കുറിച്ചുള്ള ജ്ഞാനം,ഷെയ്ഖുമാര്‍ മുരീദുമാര്‍ക്ക് പങ്കുവെയ്ക്കുന്നതെന്ന് എന്നെ ...

Read More »

മഴ പാടുന്നു: ‘ഒടുവിൽ ഞാൻ ഒറ്റയാകുന്നു’; ജോഗ് രാഗത്തിന്റെ തേന്‍തുള്ളികള്‍ ചിറകു വിടര്‍ത്തി പറക്കുന്നു

‘കവിതയുടെ അര്‍ത്ഥതലങ്ങളെ വിട്ട് എന്റെ കൂടെപ്പോരുക. രാഗ വിഹാരങ്ങള്‍ തീര്‍ക്കുന്ന മായിക പ്രപഞ്ചത്തില്‍ അഭിരമിപ്പിക്കാം ആവോള’മെന്നു മഴ. ഞാന്‍ തല്‍ക്കാലം കവിതയെ മറക്കുന്നു – മഴയെ കേട്ട്  മീനാക്ഷി മേനോന്‍ എഴുതുന്നു.   എനിയ്ക്കു ചുറ്റുമിപ്പോള്‍ മഴയുടെ ശബ്ദമാണ്. ജോഗ് രാഗത്തിന്റെ ആരോഹണാവരോഹണങ്ങളിലൂടെ, തേന്‍തുള്ളികള്‍ പോലെ ആത്മാവിലേക്കൂറി വരുന്ന ശബ്ദസൗന്ദര്യമായി മഴ പാടുന്നു. പാടുന്നത് ഒരു കവിതയാണ്… ”ഒടുവില്‍ ഞാന്‍ ഒറ്റയാകുന്നു….” സച്ചിദാനന്ദന്റെ ‘ഒടുവില്‍ ഞാന്‍ ഒറ്റയാകുന്നു’ എന്ന കവിത പ്രശസ്ത സംഗീതജ്ഞൻ ശ്രീ. ഓംകാര്‍നാഥ് ഹവല്‍ദാറാണ്‌ ജോഗ് രാഗത്തില്‍ ചിട്ടപ്പെടുത്തിയത്. മഴയാണ് ആലപിക്കുന്നത്. കവിതയിലെ ...

Read More »

ഗാന്ധിയെ നോക്കുമ്പോൾ

രക്തസാക്ഷിത്വത്തിന്റെ എഴുപതാം വാർഷികത്തിൽ വീണ്ടും ഗാന്ധിയെ നോക്കുകയാണ് കവി  ഒ. പി. സുരേഷ്. ചിതറിത്തെറിക്കുന്ന ദേശത്തിന്റെ ശിഥില ചിത്രം, ഗാന്ധിസ്‌മൃതി.   ഇപ്പുറം നോക്കിയാൽ അപ്പുറം കാണുന്ന സുതാര്യതയായിരുന്നു ഇതുവരെ, ഗാന്ധി. ഒളിച്ചു നോട്ടക്കാർക്കായി ഒന്നും കരുതിവെക്കാത്ത നഗ്നത. തന്നെത്തന്നെ കണ്ടെത്താനുള്ള ഓരോരുത്തരുടേയും പരീക്ഷണശാല. ആർക്കും കയറിയിറങ്ങാവുന്ന അനാർഭാടമായ ആരാധനാലയം. നോക്കിനോക്കിയിരിക്കുമ്പോൾ ആയുധങ്ങളുപേക്ഷിച്ച ആലോചനകൾ മൗനമായ് സത്യഗ്രഹമിരിക്കും നിദ്രയോട് നിസ്സഹകരിച്ച സ്വപ്നങ്ങൾ വെളിച്ചത്തിന്റെ ഉപ്പു കുറുക്കും. വേഗതയേറിയ ചുവടുകളുമായി ചരിത്രം ഒരു ശാന്തിയാത്രയാവും. നോക്കിനോക്കിയിരിക്കുമ്പോൾ കാണാത്തതും കാട്ടിത്തരും. അറ്റമില്ലാത്ത കാഴ്ചകളാൽ അവസാനമില്ലാതെ അഴിച്ചുപണിയും. അപൂർണ്ണതകൾ ...

Read More »

അതുകൊണ്ടാണ് ഒരു സാധാരണ മനുഷ്യന്റെ സ്വതന്ത്രമായ വാക്കിനെ ഫാസിസ്റ്റുകള്‍ ഭയക്കുന്നത്: വർഗീയ സ്വത്വസങ്കല്‍പങ്ങളുടെ ഭൂമിക

ഹിന്ദു, മുസ്‌ലിം സ്വത്വങ്ങള്‍ അത്രയൊന്നും പ്രാചീനമല്ല. ഏറിവന്നാല്‍ ഒരു 150 കൊല്ലത്തെ പഴക്കമേ അവയ്‌ക്കുള്ളൂ. കൊളോണിയല്‍ കാലത്ത് വരേണ്യ വിഭാഗങ്ങള്‍ക്കു ഭരണകൂടത്തിനുമേല്‍ സമ്മര്‍ദ്ദം ചെലുത്താൻ സൃഷ്ടിച്ചെടുക്കപ്പെട്ടവയാണ് ഈ വര്‍ഗീയസ്വരൂപം. ഭക്തിപ്രസ്ഥാനത്തിന്റെ ഘട്ടത്തില്‍ നിലനിന്നിരുന്ന, സഹിഷ്ണുതയും സാഹോദര്യവും ഉണ്ടായിരുന്ന മതമല്ല ഇത്. പാരമ്പര്യരാഹിത്യത്തെപ്പറ്റിയുള്ള മനഃസാക്ഷിക്കുത്തുണ്ട് ഇവർക്ക്. അതിനാൽ ‘വഴിക്കല്ലുകളുടെ കുറിപ്പുകള്‍ മാറ്റുന്ന ലാഘവത്തോടെ ഫാസിസ്റ്റുകള്‍ ശവക്കല്ലറകളുടെ കുറിപ്പുകള്‍പോലും മാറ്റും’. ഒരു സാമാന്യ പ്രകൃതിപ്രതിഭാസത്തിന്റെ പരിവേഷത്തോടെ ഇന്ത്യൻ രാഷ്ട്രീയത്തിലേക്കു കടന്നുവന്നിട്ടുള്ള ഹിന്ദുത്വം എത്ര അസ്വാഭാവികമായി കെട്ടിപ്പടച്ചതാണെന്ന് ഡോ. ടി. കെ. രാമചന്ദ്രൻ വിശദീകരിക്കുന്നു. ഇന്ത്യൻ ഫാസിസത്തെ വിലയിരുത്തുന്ന ...

Read More »

അസത്യംകൊണ്ടാണ് അധികാരത്തിന്റെ ശിലപ്രതിഷ്ഠ; ത്രിപുരാന്തകനല്ല ഗീബല്‍സാണ് ഇവർക്ക് ഗുരു: ഫാസിസത്തിന്റെ കാളിയഫണങ്ങൾ

ഫാസിസ്റ്റ് വിരുദ്ധ മുന്നണിയെന്ന അടിയന്തിര ഉത്തരവാദിത്വം നിര്‍വഹിക്കുന്നതില്‍ പത്ര-പരസ്യ ഭാഷ വഴിയുണ്ടാക്കുന്ന ഭ്രമകല്പനകളും പ്രത്യയശാസ്ത്ര മിഥ്യകളും തടസ്സം സൃഷ്ടിക്കുന്നത് ആദ്യമായി വിശകലനം ചെയ്യുന്നു. മിഥ്യയും യാഥാര്‍ഥ്യവും തമ്മിൽ കുഴമറിക്കുന്ന ഫാസിസ്റ്റ് പ്രചാരണരീതികളെക്കുറിച്ച്  ഡോ. ടി. കെ. രാമചന്ദ്രൻ എഴുതുന്നു. ഇന്ത്യൻ ഫാസിസത്തെ വിലയിരുത്തുന്ന ചർച്ചകൾക്ക് ഒരാമുഖമായി പ്രസിദ്ധീകരിക്കുന്ന ലേഖനം രണ്ടാംഭാഗം. ഒരു ആധുനികരാഷ്ട്രമെന്ന നിലയ്ക്കുള്ള ഇന്ത്യയുടെ നിലനില്‍പ്പിനെ കുത്തിപ്പിളര്‍ന്ന് വര്‍ഗീയ കലാപങ്ങളില്‍ നിന്നു വര്‍ഗീയകലാപങ്ങളിലേക്ക് രഥയാത്രകള്‍ നടത്തുന്ന സംഘപരിവാരവും, ധര്‍മ്മഭീരുത്വത്തിലും വിഷാദയോഗത്തിലും അമര്‍ന്ന് ‘കിം അകുര്‍വത സഞ്ജയ’ (പിന്നെന്തു ചെയ്തു സഞ്ജയാ?) എന്ന് ഉരുവിട്ടുകൊണ്ടിരിക്കുന്ന ...

Read More »

സംഘപരിവാരത്തിന്റെ മായായുദ്ധം: ഇന്ത്യൻ ഫാസിസത്തെ വിലയിരുത്തുന്ന ചർച്ചകൾക്ക് ഒരാമുഖം

അച്ഛനമ്മമാര്‍ മക്കളെ, അധ്യാപകൻ വിദ്യാര്‍ഥികളെ, പ്രാസംഗികൻ സദസ്യരെ, കുടുംബനാഥൻ അന്യജാതിക്കാരനായ അയല്‍ക്കാരനെ, ഫാസിസ്റ്റ് കമാൻഡര്‍ അയാളുടെതന്നെ സഹപ്രവര്‍ത്തകനെ – എല്ലാവരും എല്ലാവരേയും – സംശയത്തോടെ, ഭയത്തോടെമാത്രം വീക്ഷിക്കുന്ന ദുഃസ്വപ്നസമാനമായ ഈ ഫാസിസ്റ്റ് അവസ്ഥയെക്കുറിച്ച്. ‘ഹിന്ദുത്വത്തിന്റെ പേരില്‍ ഭ്രാന്തമായ മുദ്രാവാക്യങ്ങളുയര്‍ത്തുന്ന വിഭാഗങ്ങള്‍ക്കെതിരെ സന്യാസിമാരുടെ നാടായ ഇന്ത്യയില്‍പ്പോലും വിരലിലെണ്ണാവുന്നത്ര മതാധിപന്മാരേ ശബ്ദമുയര്‍ത്താൻ ധൈര്യപ്പെടുന്നുള്ളുവെന്നത് ആകസ്മികമല്ല. അത്ര ഭീഷണമായ ഒരു തലത്തിലേക്ക് ആള്‍ക്കൂട്ട സംസ്‌കാരം പടര്‍ന്നുകഴിഞ്ഞിരിക്കുന്നു.’ ഇന്ത്യൻ ഫാസിസത്തെ വിലയിരുത്തുന്ന ചർച്ചകൾക്ക് ഇന്നും ആമുഖമായി കണക്കാക്കാവുന്ന, ഡോ. ടി. കെ. രാമചന്ദ്രൻ 1993-ൽ എഴുതിയ പഠനത്തിന്റെ ഒന്നാം ഭാഗം. ...

Read More »

അപ്പോഴേ ഇന്ന് ദുര്‍ഗമമായി തോന്നിപ്പിക്കുന്ന ഫാസിസത്തിന്റെ ശക്തിദുര്‍ഗങ്ങള്‍ തകര്‍ന്നുവീഴൂ

“ജനങ്ങളുടെ സര്‍ഗശക്തിയെയും പ്രതികരണശേഷിയെയും വിസ്‌ഫോടകമായ തലത്തില്‍ വികസിപ്പിച്ചുകൊണ്ടേ ഫാസിസത്തിനെതിരായ പോരാട്ടത്തില്‍ വിജയിക്കാനാകൂ. ഫാസിസ്റ്റ് വിരുദ്ധപ്രസ്ഥാനം സൈദ്ധാന്തികമായും സംഘടനാപരമായും സമരസജ്ജമാകണം. ജനാധിപത്യപരവും പരസ്പരബഹുമാനം പുലര്‍ത്തുന്നതുമായ ശൈലി സ്വീകരിച്ചുകൊണ്ട് ഫാസിസത്തെക്കുറിച്ചുള്ള ചര്‍ച്ചയും വിശകലനവും വികസിക്കണം. ഫാസിസ്റ്റ് വിരുദ്ധമായ ഓരോ പ്രസ്ഥാനവും ഫാസിസ്റ്റ് വിരുദ്ധനായ ഓരോ വ്യക്തിയും ഇതുമായി കണ്ണിചേര്‍ക്കപ്പെടണം. എങ്കില്‍ മാത്രമേ ഇന്ന് ദുര്‍ഗമമായി തോന്നിപ്പിക്കുന്ന ഫാസിസത്തിന്റെ ശക്തിദുര്‍ഗങ്ങള്‍ തകര്‍ന്നുവീഴൂ.” (ഡോ. ടി. കെ. രാമചന്ദ്രൻ) ഹിന്ദുത്വഫാസിസം അതിന്റെ ഏറ്റവും ഹിംസാത്മകമായ മുഖം പുറത്തെടുത്ത ബാബരി മസ്ജിദ് ധ്വംസനം നടന്നിട്ട് കാൽനൂറ്റാണ്ട് പിന്നിട്ടു. അന്ന് മതനിരപേക്ഷപക്ഷത്തിന്റെ സ്വപ്നങ്ങളിൽപ്പോലും ...

Read More »

സൂഫീപഥങ്ങളില്‍: ഞാനെന്ന ബോധത്തിന്റെ സാഗരത്തെ മണ്‍കുടത്തിലടയ്ക്കുന്നു സൂഫീജ്ഞാനം

ശവകുടീരത്തിലും സമാധി തുടരുന്നു എന്ന അര്‍ത്ഥത്തിലാണ് സൂഫിയുടെ കബറിടം സന്ദര്‍ശനസ്ഥലമായി സവിശേഷമാകുന്നത്. ഭൗതികശരീരത്തിന്‍റെ അഭാവത്തിലും തുടരുന്ന മഖാം. സൂഫിയുടെ ജ്ഞാനപദ്ധതിയും അന്വേഷണവഴിയും എത്രത്തോളം സാധകന്‍ മനസ്സിലാക്കുന്നുവോ, അത്രത്തോളം മഖാമിനെ അടുത്തറിയാം, അനുഭവിക്കാം. ആത്മീയാനുഭവങ്ങളുടെ ശീര്‍ഷസ്ഥാനമായ അജ്‌മീറിൽ സൂഫിയുടെ ഹൃദയപ്രകാശത്തിന്‍റെ അനുഭവം ഏറ്റുവാങ്ങി പി. പി. ഷാനവാസ് യാത്ര തുടരുന്നു. സൂഫീപഥങ്ങളിൽ അഞ്ചാംഭാഗം.   ദര്‍ഗാ സന്ദര്‍ശനത്തിന്‍റെ തിരക്കില്‍നിന്ന് തലയൂരി മുറിയില്‍ അഭയംതേടി. പ്രഭാഷണങ്ങളും ബിരിയാണി തീറ്റയും ഇപ്പോള്‍ കൂടുതല്‍ ആയാസത്തിലായി. ഭൗതികമായ ആവശ്യങ്ങള്‍ക്കും രോഗശാന്തിക്കും ഖ്വാജയുടെ സന്നിധിയില്‍ ഒറ്റയ്ക്കും കൂട്ടായും പ്രാര്‍ത്ഥന നടത്തുന്നതില്‍ ഇനി ...

Read More »