Home » അടുക്കള » മെയ് ഒന്നു മുതല്‍ റേഷന്‍ കടകളില്‍ ഡോര്‍ഡെലിവറി

മെയ് ഒന്നു മുതല്‍ റേഷന്‍ കടകളില്‍ ഡോര്‍ഡെലിവറി

മെയ് ഒന്നുമുതല്‍ റേഷന്‍ കടകള്‍ വഴി ഡോര്‍ഡെലിവറി സംവിധാനം ആരംഭിക്കുമെന്ന് മന്ത്രി പി. തിലോത്തമന്‍. സപ്ലൈക്കോ വില്പനശാലകള്‍ വഴി നിത്യോപയോഗ സാധനങ്ങളെല്ലാം തന്നെ ഒരു കുടക്കീഴില്‍ അണിനിരത്താനും സര്‍ക്കാര്‍ നടപടിയുണ്ടാകുമെന്ന് അദ്ദേഹം പറഞ്ഞു. വര്‍ധിച്ച അരിവില പിടിച്ചുനിര്‍ത്തുന്നതിനായി ഭക്ഷ്യവകുപ്പ് ആരംഭിച്ച അരിക്കട പദ്ധതിയിയുടെ ഭാഗമായി പറവൂര്‍ നന്ത്യാട്ടുകുന്നം ഗാന്ധി സ്മാരക സര്‍വീസ് സഹകരണ ബാങ്കില്‍ അരിക്കട ഉദ്ഘാടനം ചെയ്യുകയായിരുന്നു മന്ത്രി. വിഷു പ്രമാണിച്ചു സംസ്ഥാനത്ത് 38 സപ്ലൈക്കോ ഔട്ട്ലെറ്റുകള്‍ വഴി കുറഞ്ഞ നിരക്കില്‍ വിവിധ ബ്രാന്‍ഡ് അരികള്‍ ലഭ്യമാണ്.

എംപിഐ, മത്സ്യഫെഡ് എന്നിവയുടെ സഹകരണത്തോടെ ഇറച്ചിയും മീനും ഉള്‍പ്പെടെ എല്ലാവിധ നിത്യേപയോഗ ഉത്പന്നങ്ങളും സപ്ലൈക്കോ വില്പനശാലകള്‍ വഴി ജനങ്ങളിലേക്ക് എത്തിക്കാനുള്ള ശ്രമത്തിലാണ് സര്‍ക്കാരെന്നും മന്ത്രി ഓര്‍മിപ്പിച്ചു.

Leave a Reply