Home » ആരോഗ്യം » മലപ്പുറം ജില്ലയില്‍ ‍ഡിഫ്തീരിയക്ക് പിന്നാലെ കോളറയും;കുറ്റിപ്പുറത്തെ ഹോട്ടലില്‍ നിന്നും ഭക്ഷണം കഴിച്ച ഒരു കുടുംബത്തിലെ നാല് പേര്‍ക്ക് കോളറ

മലപ്പുറം ജില്ലയില്‍ ‍ഡിഫ്തീരിയക്ക് പിന്നാലെ കോളറയും;കുറ്റിപ്പുറത്തെ ഹോട്ടലില്‍ നിന്നും ഭക്ഷണം കഴിച്ച ഒരു കുടുംബത്തിലെ നാല് പേര്‍ക്ക് കോളറ

ജില്ലയില്‍ ഡിഫ്തീരിയയ്ക്ക് പിന്നാലെ കോളറയും സ്ഥിരീകരിച്ചു. കുറ്റിപ്പുറത്തെ ഒരു കുടുംബത്തിലുള്ള നാല് പേരിലാണ് രോഗം കണ്ടെത്തിയത്. ഇക്കഴിഞ്ഞ തിങ്കളാഴ്ച വൈകിട്ടോടെ കടുത്ത ഛര്‍ദ്ദിയും വയറിളക്കവും അനുഭവപ്പെട്ടതിനെ തുടര്‍ന്നാണ് ഇവര്‍ ആശുപത്രിയില്‍ ചികിത്സക്കെത്തിയത്. ശേഷം വ്യാഴാഴ്ച വൈകിട്ടോടെയാണ് നാലുപേര്‍ക്കും കോളറയാണ് പിടിപ്പെട്ടിരിക്കുന്നതെന്ന് സ്ഥിരീകരിച്ചത്. ജില്ലയില്‍ മാരകരോഗങ്ങള്‍ പടരുന്നത് ആരോഗ്യ വകുപ്പിനെ ആശങ്കയിലാഴ്ത്തിയിരിക്കുകയാണ്.

തിങ്കളാഴ്ച കുറ്റിപ്പുറത്തെ ഒരു ഹോട്ടലില്‍ നിന്ന് ചികിത്സയിലുളള കുടുംബം ഭക്ഷണം കഴിച്ചിരുന്നുവെന്നാണ് ആരോഗ്യ വകുപ്പ് കണ്ടെത്തിയിരിക്കുന്നത്. ഇവിടെ നിന്ന് കഴിച്ച ഭക്ഷണമാണ് രോഗകാരണമെന്നാണ് പ്രാഥമിക നിഗമനം. ഇതേ ഹോട്ടലില്‍ നിന്ന് ഭക്ഷണം കഴിച്ച മറ്റ് മൂന്ന് പേരിലും രോഗം സ്ഥിരീകരിച്ചിട്ടുണ്ട്. തൃശ്ശൂര്‍ പെരുമ്പിലാവ് സ്വദേശികളായ മറ്റു മൂന്ന് പേരിലാണ് രോഗം സ്ഥിരീകരിച്ചത്.

ചികിത്സയിലുളളവര്‍ ഭക്ഷണം കഴിച്ച ഹോട്ടലില്‍ നിന്ന് ആരോഗ്യവകുപ്പ് കുടിവെളള സാമ്പിള്‍ ശേഖരിച്ചു പരിശോധനക്ക് അയച്ചിരിക്കുകയാണ്. പ്രദേശത്തെ മുഴുവന്‍ ജലസ്രോതസുകളില്‍ നിന്നും സാമ്പിള്‍ ശേഖരിക്കാനുളള നടപടികള്‍ പുരോഗമിക്കുന്നു. കോളറ റിപ്പോര്‍ട്ട് ചെയ്ത പ്രദേശങ്ങളില്‍ ആരോഗ്യവകുപ്പിന്റെ വിദഗ്ദ സംഘം സന്ദര്‍ശനം നടത്തും.

Leave a Reply