Home » നമ്മുടെ കോഴിക്കോട് » കോഴിക്കോട് മെഡിക്കല്‍ കോളേജില്‍ ചികിത്സ തേടിയെത്തുന്നവര്‍ ഡിഫ്ത്തീരിയ ഭീഷണിയില്‍

കോഴിക്കോട് മെഡിക്കല്‍ കോളേജില്‍ ചികിത്സ തേടിയെത്തുന്നവര്‍ ഡിഫ്ത്തീരിയ ഭീഷണിയില്‍

കോഴിക്കോട് മെഡിക്കല്‍ കോളേജില്‍ ചികിത്സ തേടിയെത്തുന്നവര്‍ ഡിഫ്ത്തീരിയ ഭീഷണിയില്‍. മറ്റു രോഗങ്ങള്‍ക്ക് ചികിത്സ തേടിയെത്തുന്നവരും ഡിഫ്ത്തീരിയ സ്ഥിരീകരിച്ചവരും ഒരേ ക്യൂവില്‍ ചികിത്സയ്ക്കായി എത്തുന്നതാണ് ഭീഷണി ഉയര്‍ത്തുന്നത്.ഡിഫ്ത്തീരിയ ബാധിച്ച് രോഗിയുടെ 100 മീറ്റര്‍ ചുറ്റളവ് വരെ രോഗം പടരാനുള്ള സാധ്യത നിലനില്‍ക്കുന്നുവെന്ന് ലോകാരോഗ്യ സംഘടനയുടെ റിപ്പോര്‍ട്ട് നിലനില്‍ക്കുമ്പോഴാണ് മെഡിക്കല്‍ കോളേജിലെ ജനറല്‍ മെഡിസിന്‍ ഒപിയില്‍ നിന്നും ഇത്തരത്തിലൊരു കാഴ്ച.

കോഴിക്കോട് മെഡിക്കല്‍ കോളേജില്‍ മാത്രം ഡിഫ്ത്തീരിയ ബാധിച്ച് ചികിത്സ തേടിയെത്തിയവരുടെ എണ്ണം അമ്പതോളം വരും. രണ്ടു ഡിഫ്ത്തീരിയ മരണവും റിപ്പോര്‍ട്ട് ചെയ്തിട്ടുണ്ട്. പകര്‍ച്ചവ്യാധികള്‍ നിയന്ത്രണ വിധേയമാക്കാന്‍ പ്രതിരോധ പ്രവര്‍ത്തനങ്ങളും ഊര്‍ജ്ജിതമാക്കിയിട്ടുണ്ട്.

Leave a Reply