Home » കളിക്കളം » സഞ്ജുവിനെതിരെ കെ.സി.എ അന്വേഷണം

സഞ്ജുവിനെതിരെ കെ.സി.എ അന്വേഷണം

കേരള ക്രിക്കറ്റ് താരം സഞ്ജു വി സാംസണെതിരെ കേരള ക്രിക്കറ്റ് അസോസിയേഷന്‍ (കെ.സി.എ)അന്വേഷണം ആരംഭിച്ചു. രഞ്ജി ട്രേഫി ക്രിക്കറ്റ് മത്സരത്തിനിടെ അനുമതിയില്ലാതെ ടീമില്‍ നിന്ന് വിട്ടു നിന്നുവെന്നാണ് സഞ്ജുവിനെതിരെയുള്ള ആരോപണം. അന്വേഷണത്തിനായി കെ.സി.എ മൂന്നംഗ സമിതിയെ നിയോഗിച്ചു. സഞ്ജുവിന്റെ പിതാവ് കെസിഎ ഭാരവാഹികളെ അസഭ്യം പറഞ്ഞതായുള്ള പരാതിയും അന്വേഷിക്കുമെന്ന് കെ.സി.എ അറിയിച്ചു.

രണ്ടാഴ്ചയ്ക്കു മുന്‍പ് ബ്രബോണ്‍ സ്‌റ്റേഡിയത്തില്‍ ഗോവയ്‌ക്കെതിരായ മത്സരത്തിനിടെ സസഞ്ജു ടീമില്‍ നിന്നും അനുമതിയില്ലാതെ വിട്ടുനിന്നുവെന്നും ടീമിന്റെ അച്ചടക്കങ്ങള്‍ക്ക് വിരുദ്ധമായി പ്രവര്‍ത്തിച്ചുവെന്നുമാണ് ആരോപണം. ഡ്രസ്സിംഗ് റൂമില്‍ നിന്നും അനുമതിയില്ലാതെ പുറത്തുപോയ സഞ്ജു അര്‍ധരാത്രിയോടെയാണ് ടീം താമസിച്ചിരുന്ന ഹോട്ടലില്‍ തിരിച്ചെത്തിയതെന്നും പരാതി ഉയര്‍ന്നിട്ടുണ്ട്. പരാതിയുടെ അടിസ്ഥാനത്തില്‍ സഞ്ജുവിനെതിരെ പ്രഖ്യാപിച്ച അന്വേഷണത്തോട് താരം ഇതുവരേയും പ്രതികരിച്ചിട്ടില്ല.

അതേസമയം സംഭവം ബിസിസിഐയുടേയും ശ്രദ്ധയില്‍പ്പെട്ടിട്ടുണ്ട്. സഞ്ജുവിനെതിരെ നേരത്തേയും അച്ചടക്കലംഘന പരാതികള്‍ ഉയര്‍ന്നിട്ടുണ്ട്.

കശ്മീരിനെതിരെയുള്ള രഞ്ജി ക്രിക്കറ്റില്‍ സഞ്ജു മികച്ച പ്രകടനമാണ് കേരളത്തിന് വേണ്ടി കാഴ്ച്ച വെച്ചത്.

Leave a Reply