Home » ന്യൂസ് & വ്യൂസ് » ലോ അക്കാദമി : ലക്ഷ്​മി നായർക്കെതിരെ നടപടിക്ക്​ ശുപാർശ

ലോ അക്കാദമി : ലക്ഷ്​മി നായർക്കെതിരെ നടപടിക്ക്​ ശുപാർശ

ലോ അക്കാദമി പ്രശ്നത്തില്‍ സിന്‍ഡി​ക്കേറ്റ് ഉപസമിതി റിപ്പോര്‍ട്ടില്‍ കോളജിനും പ്രിന്‍സിപ്പലിനുമെതിെര നടപടിക്ക് ശുപാര്‍ശ. ലക്ഷ്​മി നായരെ പരീക്ഷാ ചുമതലകളില്‍ നിന്ന് അഞ്ച്​ വർഷത്തേക്ക്​ വിലക്കാനാണ്​ സിന്‍ഡിക്കേറ്റ് ഉപസമിതി നല്‍കിയ റിപ്പോര്‍ട്ടില്‍ ശുപാര്‍ശ ചെയ്​തത്​. ലക്ഷ്മി നായർ സ്വജനപക്ഷപാതിത്വവും അധികാര ദുർവിനിയോഗവും നടത്തിയതിന്​ തെളിവുണ്ടെന്ന്​ ഉപസമിതി കണ്ടെത്തി.

ലോ അക്കാദമിയിൽ ​മെറിറ്റ്​ അട്ടിമറിക്കപ്പെ​െട്ടന്നും കോളജിൽ ഗുരുതര ചട്ടലംഘനം നടന്നെന്നും റിപ്പോർട്ടിൽ പറയുന്നു. താല്‍പര്യമുള്ള വിദ്യാര്‍ഥികള്‍ക്ക് ലക്ഷ്​മി നായർ മാര്‍ക്ക് കൂട്ടി നല്‍കി. ഭാവി മരുമകള്‍ അനുരാധക്ക്​ ക്ലാസിൽ എത്താതിരുന്നിട്ടും ഹാജറും ഇ​ന്‍റേണല്‍ മാര്‍ക്കും നല്‍കി. പകുതി ഹാജറില്ലാതിരുന്നിട്ടും പരീക്ഷ എഴുതാന്‍ അനുമതി നല്‍കിയെന്നും റിപ്പോര്‍ട്ടില്‍ പറയുന്നു.

വിദ്യാർഥികളോട്​ പ്രിൻസിപ്പൽ അപമര്യാദയായി പെരുമാറിയതിന്​ വ്യക്തമായ തെളിവുണ്ടെന്ന്​ ഉപസമിതി റിപ്പോർട്ടിൽ വ്യക്തമാക്കി. വിദ്യാർഥികളുടെ സ്വകാര്യതയെ ബാധിക്കുന്ന വിധമാണ്​ ഹോസ്​റ്റലുകളിലും കാമ്പസിലും കാമറ സ്ഥാപിച്ചത്​. ഇ​േൻറണൽ മാർക്ക് അനുവദിക്കുന്നതിനുള്ള എല്ലാ അധികാരവും പ്രിൻസിപ്പൽ സ്വയം കൈയാളിയിരിക്കുകയാണ്. അധ്യാപകർക്ക് ഇതിനുള്ള അധികാരമില്ല. സർവകലാശാല ചട്ടങ്ങൾ അട്ടിമറിച്ചാണ് ഇ​േൻറണൽ മാർക്ക് നൽകിയത്. അന്വേഷണത്തി​െൻറ ഭാഗമായി ഉപസമിതി ആവശ്യപ്പെട്ട രേഖകൾ ഹാജരാക്കാൻ‌ പോലും പ്രിൻസിപ്പൽ തയ്യാറായില്ലെന്നും ഉപസമിതി റിപ്പോർട്ടിൽ ചൂണ്ടിക്കാട്ടുന്നു.

ഉപസമിതി മൂന്നുദിവസം കോളജിലെത്തി വിദ്യാര്‍ഥികള്‍, പ്രിന്‍സിപ്പല്‍, അധ്യാപകര്‍ എന്നിവരില്‍നിന്ന് മൊഴി രേഖപ്പെടുത്തുകയും തെളിവുകള്‍ ശേഖരിക്കുകയും ചെയ്ത ശേഷമാണ്​ റിപ്പോർട്ട്​ തയാറാക്കിയത്​. ഉപസമിതി റിപ്പോർട്ട്​ സിൻഡിക്കേറ്റിന്​ സമർപ്പിച്ചു. ഇന്ന്​ ചേരുന്ന സിൻഡിക്കേറ്റാണ്​ എന്ത്​ നടപടിയെടുക്കണമെന്ന്​ തീരുമാനിക്കേണ്ടത്​.

Leave a Reply