Home » നമ്മുടെ കോഴിക്കോട് » ഇ. അഹമ്മദിന്റെ മരണം: പ്രധാനമന്ത്രി മറുപടി പറയണം മുസ്ലിം ലീഗ്

ഇ. അഹമ്മദിന്റെ മരണം: പ്രധാനമന്ത്രി മറുപടി പറയണം മുസ്ലിം ലീഗ്

മുസ്ലിംലീഗ് ദേശീയ പ്രസിഡന്റും മുന്‍ വിദേശകാര്യ സഹമന്ത്രിയും എം.പിയുമായ ഇ. അഹമ്മദിന്റെ മരണം മറച്ചുവെച്ച സംഭവത്തില്‍ പ്രധാനമന്ത്രി പാര്‍ലമെന്റില്‍ മറുപടി പറയണമെന്ന് മുസ്ലിം ലീഗ് ജനറല്‍ സെക്രട്ടറി കെ.പി.എ മജീദ്. ലീഗ് നേതാവിനോടുള്ള അനാദരം എന്നതിനപ്പുറം മുതിര്‍ന്ന നേതാവിനോട് കാട്ടിയ അനാദരം അത്യന്തം ഗൗരവത്തോടെയാണ് പാര്‍ട്ടി കാണുന്നതെന്നും മജീദ് കൂട്ടിച്ചേര്‍ത്തു.

ലോക്‌സഭയില്‍ വിഷയം ചര്‍ച്ച ചെയ്യണമെന്നാവശ്യപ്പെട്ട് പ്രതിപക്ഷം നല്‍കിയ അടിയന്തര പ്രമേയത്തിന് അനുമതി നിഷേധിച്ചിരുന്നു. ഇതില്‍ പ്രതിഷേധിച്ച് സഭയുടെ നടുത്തളത്തിലിറങ്ങി അംഗങ്ങള്‍ ബഹളം വെക്കുകയും സഭാ നടപടികള്‍ നിര്‍ത്തിവെക്കുകയും ചെയ്തിരുന്നു.

ബജറ്റ് അവതരണ തലേന്ന് പാര്‍ലമെന്റില്‍ കുഴഞ്ഞുവീണ് ആശുപത്രിയിലായപ്പോള്‍ അഹമ്മദിനെ വെന്റിലേറ്ററിലാക്ക് മാറ്റുകയും ബന്ധുക്കളെപോലും കാണാന്‍ അനുവദിക്കാത്തതും വിവാദമായിരുന്നു. സംഭവം ദുരൂഹമാണെന്നും അന്വേഷിക്കണമെന്നും വിവിധ പാര്‍ട്ടി നേതാക്കള്‍ ആവശ്യപ്പെട്ടിരുന്നു.

Leave a Reply