Home » അടുക്കള » ജില്ലയിലെ കുടിവെള്ളം ദൗര്‍ലഭ്യം പരിഹരിക്കാന്‍ ടോള്‍ഫ്രീ നമ്പര്‍

ജില്ലയിലെ കുടിവെള്ളം ദൗര്‍ലഭ്യം പരിഹരിക്കാന്‍ ടോള്‍ഫ്രീ നമ്പര്‍

വരള്‍ച്ചാ പ്രതിരോധ പ്രവര്‍ത്തനങ്ങളുടെ ഭാഗമായി ജില്ലാ ദുരന്തനിവാരണ വിഭാഗത്തില്‍ ടോള്‍ഫ്രീ ടെലിഫോണ്‍നമ്പറും താലൂക്ക് തലത്തില്‍ കണ്‍ട്രോള്‍റൂമുകളും ഒരുങ്ങി. കളക്ടറേറ്റില്‍ 1077 എന്ന നമ്പറില്‍ ബന്ധപ്പെട്ട് കുടിവെള്ളദൗര്‍ലഭ്യം സംബന്ധിച്ച പരാതികള്‍ അറിയിക്കാം. കോഴിക്കോട്- 2372966, താമരശ്ശേരി- 2223088, കൊയിലാണ്ടി-0496 2620235, വടകര-0496 2522361 എന്നിവയാണ് താലൂക്ക് കണ്‍ട്രോള്‍റൂമുകളിലെ ഫോണ്‍നമ്പര്‍.

ആവശ്യമുള്ള പ്രദേശങ്ങളില്‍ ടാങ്കര്‍ലോറികള്‍ മുഖേനയും കിയോസ്‌കുകള്‍ സ്ഥാപിച്ചും കുടിവെള്ളം വിതരണം ചെയ്യുന്നതിന് വില്ലേജോഫീസര്‍മാരെ ചുമതലപ്പെടുത്തി. ജി.പി.എസ്. ഘടിപ്പിച്ച ടാങ്കര്‍ ലോറികളിലാണ് കിയോസ്‌കുകളില്‍ വെള്ളമെത്തിക്കുക. സി.ഡബ്ല്യു.ആര്‍.ഡി.എം., എന്‍.ഐ.ടി. തുടങ്ങിയവരുമായി ചേര്‍ന്ന് വരള്‍ച്ചാനിവാരണ പദ്ധതി തയ്യാറാക്കുന്നതിന് നടപടികളെടുക്കുന്നുണ്ടെന്ന് ഡെപ്യൂട്ടി കളക്ടര്‍ (ദുരന്തനിവാരണം) ബി. അബ്ദുള്‍നാസര്‍ പറഞ്ഞു. വരുംവര്‍ഷങ്ങളിലും വരള്‍ച്ചതടയാന്‍ കിണറുകള്‍ റീ-ചാര്‍ജ് ചെയ്യുന്നതും മഴവെള്ളസംഭരണികള്‍ സ്ഥാപിക്കുന്നതും ആവശ്യമാണ്. എ.ഡി.എം. ടി. ജനില്‍കുമാര്‍, എന്‍.വി. രഘുരാജ്, സുബ്രഹ്മണ്യന്‍, റംല, കെ. ബാലന്‍, അബ്ദുള്‍ റഫീഖ്, ശാലിനി തുടങ്ങിയവര്‍ പങ്കെടുത്തു.

Leave a Reply