Home » നമ്മുടെ മലപ്പുറം » ഞങ്ങൾ താലിയിടില്ല… തട്ടമിടില്ല … ചോദിക്കാൻ വന്നാൽ പേടിക്കത്തില്ല സോഷ്യൽ മീഡിയയിൽ തരംഗമായി ‘സോങ് ഫോര്‍ ജെന്‍ഡര്‍ ജസ്റ്റിസ്

ഞങ്ങൾ താലിയിടില്ല… തട്ടമിടില്ല … ചോദിക്കാൻ വന്നാൽ പേടിക്കത്തില്ല സോഷ്യൽ മീഡിയയിൽ തരംഗമായി ‘സോങ് ഫോര്‍ ജെന്‍ഡര്‍ ജസ്റ്റിസ്

ഏമാന്‍മാരെ..ഏമാന്‍മാരെ എന്ന ഗാനത്തിലെ വരികള്‍ മാറ്റി കുറച്ച് സ്ത്രീകളും പെണ്‍കുട്ടികളും തങ്ങളുടെ സ്വാതന്ത്ര്യത്തെക്കുറിച്ച് നടത്തുന്ന ഫ്‌ളാഷ് മോബ് വൈറലാകുന്നു. തൃശ്ശൂരിലെ ഒരു ബസ്‌സ്‌റ്റോപ്പില്‍ ഇവര്‍ നടത്തിയ ഡാന്‍സും പാട്ടുമെല്ലാം സദാചാര പോലീസ് ചമയുന്നവര്‍ക്ക് എതിരെയുള്ള പ്രതിഷേധമാണ്.

അടുത്തിടെ പുറത്തിറങ്ങിയ ഒരു മെക്സിക്കൻ അപാരത എന്ന സിനിമയിൽ കൂടി ശ്രദ്ധേയമായ ഏമാന്‍മാരെ ഏമാന്‍മാരെ എന്ന ഗാനം ‘സോങ് ഫോര്‍ ജെന്‍ഡര്‍ ജസ്റ്റിസ്’ എന്ന പേരില്‍ ഗോപിനാഥിന്റെ ആശയത്തില്‍ അരവിന്ദ് വി എസ് വരികളെഴുതി രഞ്ജിത്ത് ചിറ്റാട സംഗീതം നല്കി ഒരു ബദല്‍ ഗാനം പുറത്തിറക്കുകയായിരുന്നു. ‘സോങ് ഫോര്‍ ജെന്‍ഡര്‍ ജസ്റ്റിസ്’ ആലപിച്ചിരിക്കുന്നത് പ്രശസ്ത ചലച്ചിത്ര പിന്നണി ഗായിക പുഷ്പവതിയാണ്.

‘ഏമാന്മാരെ ഏമാന്മാരെ ഞങ്ങളുമുണ്ടേ ഇവിടെ കൂടെ.. ഞങ്ങള്‍ രാത്രിയിലിറങ്ങി നടക്കും മുടിച്ചഴിച്ചിട്ട് നടക്കും ഞങ്ങള്‍ ലെഗ്ഗിന്‍സുമിട്ടു നടക്കും താലിയിടില്ല തട്ടമിടമില്ല ചോദിക്കാന്‍ വന്നാല്‍ പേടിക്കത്തില്ല’ എന്നിങ്ങനെ പോകുന്നു വരികള്‍.

Leave a Reply