രാജ്യത്തെ ബാങ്ക് ഉപഭോക്താക്കൾ ആശങ്കയിലാണ്. വിശ്വസിച്ച് നിക്ഷേപമേൽപ്പിച്ച ബാങ്കുകൾ നിരന്തരം അവരോട് അക്കൗണ്ടിനെ ആധാറുമായി ലിങ്കുചെയ്യാൻ ആവശ്യപ്പെട്ടുകൊണ്ടിരിക്കുന്നു. കേന്ദ്ര സർക്കാരിന്റെ പുതിയ വിജ്ഞാപനമനുസരിച്ചാണത്രെ ഇത്. ഡിസംബർ 31നകം ഇങ്ങനെ ലിങ്ക് ചെയ്തില്ലെങ്കിൽ അക്കൗണ്ട് മരവിപ്പിക്കുമെന്നാണ് അറിയിപ്പ്. ബാങ്കുകൾ ഇങ്ങനെ ചെയ്യാമോ? അത് ഭരണഘടനാപരമാണോ? വിദഗ്ധർ പറയുന്നു, ഇതിൽ കുഴപ്പമുണ്ടെന്ന്. 2017ൽ പാസാക്കിയ പ്രിവൻഷൻ ഓഫ് മണി ലോണ്ടറിംഗ് (മെയ്ന്റനൻസ് ഓഫ് റെക്കോർഡ്സ്) (രണ്ടാം ഭേദഗതി) ചട്ടങ്ങളുടെ മറവിലാണ് കേന്ദ്ര സർക്കാരിന്റെ ഈ നടപടി. 2002ലെ പ്രിവൻഷൻ ഓഫ് മണി ലോണ്ടറിംഗ് നിയമം നൽകിയ അധികാര ...