ശ്രീലക്ഷ്മി പ്രേക്ഷകനും സിനിമയും തമ്മിലുള്ള ദൂരം കുറഞ്ഞ് കുറഞ്ഞ് സിനിമ നമുക്ക് ചുറ്റും, നമ്മൾ സിനിമയിലും ജീവിച്ചു തുടങ്ങുമ്പോഴാണ് സിനിമ ഒരു അനുഭൂതിയും അനുഭവവുമാകുന്നത്. മായാനദി ഒരു അനുഭവമാണ്. പ്രണയത്തിലും പ്രതീക്ഷയിലും തുടങ്ങി, വേദനയിലേക്കും വിരഹത്തിലേക്കും ഒഴുകുന്ന ഒന്ന്. പഞ്ച് ഡയലോഗുകളുടേയോ ഗ്ലോറിഫൈഡ് കോൺടെക്സ്റ്റുകളുടെയോ അകമ്പടിയില്ലാതെ, ഒരു ചെറിയ വോയ്സ് ഓവറിലൂടെ കടന്നു വരുന്ന നായകൻ. ഭുതവും വർത്തമാനവും മായ്ച്ചു കളഞ്ഞ് ഭാവിയുടെ പ്രതീക്ഷകളിലേക്ക് കുതിക്കുന്ന ഒരു യുവാവ്. നായികയുടെ എൻട്രിയിൽ കണ്ടു വരുന്ന പാട്ട്, കാറ്റ്, മഴ സ്ളോമോഷൻ ഒന്നും ഇവിടെയില്ല. സ്ഥിരമായി ...