ഹിന്ദുരാഷ്ട്ര സംസ്ഥാപനത്തിനായി ഗോവയിൽ ചേരാനിരിക്കുന്ന ഹിന്ദുസംഘടനകളുടെ സമ്മേളനം സംഘടിപ്പിക്കുന്നത് നരേന്ദ്ര ധാബോൽക്കർ വധത്തിൽ വിവാദത്തിലുള്ള സനാതൻ സൻസ്ഥയുടെ സഹോദര സംഘടന. സനാതൻ സൻസ്ഥയുടെ സ്ഥാപകനായ മനോരോഗവിദഗ്ധൻ ഡോ.ജയന്ത് ബാലാജി അഥ്വാലെ രൂപം നൽകിയ ഹിന്ദു ജനജാഗ്രിതി സമിതിയാണ് ഹിന്ദുമഹാസമ്മേളനം വിളിച്ചത്. 2023ൽ ഇന്ത്യയെ ഹിന്ദുരാഷ്ട്രമായി പ്രഖ്യാപിക്കാനുള്ള പദ്ധതി രൂപരേഖയുണ്ടാക്കലാണ് സമ്മേളനത്തിന്റെ പ്രഖ്യാപിതലക്ഷ്യം. 150 സംഘടനകളാണ് ജൂൺ 14 മുതൽ 17 വരെ ചേരുന്ന യോഗത്തിൽ പങ്കെടുക്കുന്നത്. ഹിന്ദുരാഷ്ട്രമെന്ന ആശയത്തിന് ഇന്ത്യൻ ജനത പാകപ്പെട്ടുകഴിഞ്ഞിട്ടുണ്ടെന്ന് ഹിന്ദു ജനജാഗ്രിതി സമിതിയുടെ വക്താവ് ഉദയ് ധുരി അവകാശപ്പെട്ടു. ഈ ...